Il fault bien dire Amour estre grand'chose,
Quand en aymant on souffre mal et bien,
Le mal nous prend lors que le corps repose,
Et le bien vient quand on ne pense à rien.
Las ! qui pourroit inventer le moyen,
De destourner la douteuse pensée,
Avant qu’au cueur elle fust avancée ?
On ne sçauroit que c’est du desplaisir.
Mais quand elle est quelque peu commencée,
On est contraint de mal et bien choisir.